NLR Sør-Trøndelag har fått 348.000 kroner frå Regionalt Forskningsfond Midt-Norge til forprosjektet "Dyrking av sennepsplante som tiltak mot potetcystenematode (PCN) for å forbetre regional potetproduksjon".

Kartlegging av potetcystenematode, PCN, (både gul og kvit) viser at den er å finne i store deler av landet. Det er få kjende og godkjende effektive metodar mot PCN i Noreg i dag. Resultat frå studiar i andre land, kan tyde på at nokre typar sennepsplanter kan ha effekt i kampen mot PCN.

Vekselvekst

Sennepsplantene verkar som såkalla biofumiganter. Planta blir dyrka vekselvis med potet i PCN-infisert jord og pløygd ned i jorda etter vekstslutt.

I forprosjektet vil vi undersøke om sennepsplanter kan dyrkast i Sør-Trøndelag. Planen er at flere arter skal prøves.

Gjennomføring

Basen for prosjektet blir lagt til Storfosna i Ørland kommune der det vart registrert PCN (Ro1) alt i 1985. Det skal leggast ut fleire forsøksfelt i Ørland kommune. Målet er å få opp nok biomasse av sennepsplantene for å få effekt av den mot PCN.

Samarbeidspartnarar

Prosjektet blir gjennomført i nært samarbeid med Ricardo Holgado ved Bioforsk Plantehelse, lokale potetprodusentar, Ørland/Bjugn landbrukskontor og Hoff SA. I tillegg er forprosjektet forankra i Grønn forskning i Midt-Norge.

> Les mer om PCN på potet.no